PROGRAMAREN MISIOA:
Lehen mailako arretan, haurrak eta familiak artatzeko programaren helburua da adingabeen garapen pertsonala bideratzeko aukera emango duen ingurune bat ziurtatzea, babes-mekanismoen eta laguntza pertsonal, familiar eta sozialeko mekanismoen bidez. Horretarako, Nafarroako Gobernuaren Gizarte Zerbitzuen Zorroan jasotzen diren jarduketak bideratzen dira.
Programaren egitura hau da:
a.- Banan-banako arreta (kontsulta, jarraipena, bidelaguntza…).
b.- Prebentziorako eta gizarte-sustapenerako jarduketak.
c.- Jarduketa komunitarioak. Informazioa emateko, sentsibilizatzeko, koordinatzeko, gurasoek gaitasunak eskuratzeko eta baliabideak sortzeko jarduerak dira, gure gizarte-ingurunean egiten direnak, arazo psikosozialak agertu ez daitezen. Esate baterako, guraso-eskola, eskola-laguntzarako taldeak, nerabeentzako tailerrak, hitzaldiak ikastetxeetan eta baliabide komunitarioetan…
TALDEA:
Gizarte-langilea (programaren arduraduna): Irene Landa
Gizarte-hezitzailea: Eider Aranguren
Gizarte-langilea: Sonia Gomez
Oinarrizko Gizarte Zerbitzuetako psikologoak laguntza espezifikoa emango du programan: Belen Sancho
EGINKIZUNAK:
– Harrera-prozesua: premia eta eskaera aztertzea
– Gizarte-orientazioa eta aholkuak: eskaera entzutea, erabakiak hartzeko prozesuan elkarlanean jardutea eta erabakia gauzatzean bidelagun aritzea.
– Gizarte-azterketa
– Gizarte-diagnostikoa edo diagnostiko sozioedukatiboa: irizpen profesionala, premiak hierarkizatzea, aztertu den egoeraren pronostikoa edo bilakaera posiblea, eta iritzi teknikoa.
– Babesgabetasuna eta gizarte-gatazkak sor daitezkeen egoerak prebenitzea, adingabeen garapen pertsonalerako aukera emango duen ingurune bat sustatuz, komunitatean jarduketak eginda.
– Babesgabetasun-egoerak detektatzea eta adieraztea, haurren babesgabetasun-egoerak ezagutu, ikertu eta aztertzeko. Halaber, detektatzen diren eta Oinarrizko Gizarte Zerbitzuei jakinarazten zaizkien kasuetako babesgabetasun-maila zehaztea.
– Familietan esku hartzeko planak garatzea, lehen mailako arretako gainerako baliabideekin elkarlanean, eta sarean lan eginda.
– Familietan esku hartzea, babesgabetasuna arina eta moderatua denean: helburua babesgabetasun-egoera desagerraraztea edo ez areagotzea da, eta haurra familia-ingurunetik ez dadin bereizi saiatzea. Horretarako, familia trebatu behar da, hezteko guraso-abileziak lor ditzaten; bisitak egiten dira etxera, esku hartzeko, eta familiei bidean laguntzen zaie, adingabeak babesteko administrazio-unitatearekin koordinaturik.
– Esku hartzea gizarte-gatazketan dabiltzan adingabeekin: familia trebatu behar da, hezteko guraso-abileziak lor ditzaten; bisitak egiten dira etxera, esku hartzeko, familiei bidean laguntzen zaie, eta neurri judizialen jarraipena egiten da, adingabeak babesteko administrazio-unitatearekin koordinaturik.
– Zerbitzu komunitarioak eta administrazio publikoko beste maila batzuk arrisku- edo babesgabetasun-egoeran dauden adingabeak gizarteratzeko lanean inplika daitezen sustatzea.
– Haurrak eta familiak ondo trata daitezen sustatzea (sare-lana).
SARTZEKO BIDEA: